EAJ-PNV alderdiak Elgoibarko Udala kudeatzeko osatu duen lantaldea jendaurrean aurkeztu eta dituzten asmoen berri eman du Kalegoen plazan egin duten ekitaldian. Ane Beitiaz gainera, Markel Olanok eta Joseba Egibarrek ere hartu dute hitza, eta Arantza Tapiaren babesa ere izan dute kafe baten bueltan egin duten ekitaldian.
Felisa Bergaretxe omentzeko ere baliatu dute ekitaldia, joan den apirilaren 19an 100 urte bete zituela-eta. Lore sorta bat oparitu dio Ane Beitiak.
