Elgoibarko hainbat lagunek salatu nahi dute Altsasuko gazteekin "egiten ari diren bidegabekeria", eta hori dela-eta bat egin dute asteburu honetarako hainbat herritan antolatu dituzten elkartasun ekitaldiekin. Hala, Elgoibarren ere Altsasuko gazteei, euren lagun eta senideei babesa adierazteko argazkia aterako dute. Barixakuan, hilaren 16an, elkartuko dira Elgoibarko Kultur Etxeko atarian, 19:30ean. Horrez gain, apirilaren 14an manifestazioa izango da Iruñean eta Elgoibartik autobusa antolatzen saiatuko direla jakinarazi dute.