2016ko ekainean landutako herri adierazpenetatik abiatuta, herri galdeketaren olatura igo dira Debabarrenako ia herri guztiak eta erabakitzeko eskubidearen ilusioa eta gogoa zabaltzera doazela jakinarazi dute. Herri galdeketa prozesua antolatzeak lana eta konpromisoa ere eskatzen dituela nabarmendu dute prentsaurrekoan eta galdeketa egunera eramango dituen bidea ere marraztu dute. Aipatu dute Debabarrenan gutxienez 4.400 sinadura behar dituztela galdeketa egin ahal izateko, eta sinadura kanpainan parte hartzera deitu dute. Galdera ere adostua dute herri gehienetan (Elgoibarren bai), eta jarriak dira beraz maiatzaren 7ra begira. Galdeketak herririk herri egingo dituzte.
