Mendaron gertatu bezala, Elkarrekin Podemosek aurrea hartu dio PSE-EEri, Legebiltzarrerako hauteskundeetan Elgoibarren historikoki hirugarren indarra izan denari. Elkarrekin Podemosek 583 boto eskuratu ditu, eta PSE-EEk 486 (2012an 988 boto). Espainiako kongresurako kauteskundeetan aurkeztu zuen hautagaitza estrainekoz Podemosek, eta orduko hartan EH Bildurekin nahikoa berdinduta gelditu ziren -1.243 boto lortu zituen Podemosek eta 1.267, EH Bilduk.
Hortaz, azken hilabete honetako inkestek esandakoa bete da bai Elgoibarren eta baita Mendaron ere, eta EAJ, EH Bildu eta Elkarrekin Podemos izan dira lehen indarrak, Euskal Herria naziotzat daukaten eta erabakitzeko eskubidea aitortzen duten taldeak, alegia. Gipuzkoa, Araba eta Bizkai osoko emaitzei erreparatzen badiegu, esan behar da, EAJk nagusitasun osoz irabazi dituela hauteskundeak hiru herrialdeetan, eta hainbat aukera izan ditzakeela, gainera, gehiengo osoa izateko. EAJrentzat emaitza oso onak izan dira. Eserleku gehien Juan Jose Ibarretxeren garaian eskuratu zituzten jeltzaleek, 2001ean –EArekin koalizioan aurkeztu ziren orduan-. EH Bildu izan da bigarren indarra, hauteskunde hauetan indar berria izan den Elkarrekin Podemosen aurretik. Espainiako Kongresurako hauteskundeetan, iaz, EH Bildurekin nahikoa berdinduta gelditu zen Podemos. -1.243 boto lortu zituen Podemosek eta 1.267, EH Bilduk.
•Parte hartzea
Elgoibarren 8.772 herritar zeuden botoa ematera deituak gaur eta 5.511 lagunek eman dute botoa, hau da, %37,18koa izan da abstentzioa, 2012ko hauteskundeetan baino ia bost puntu handiagoa, %32,2 izan baitzen orduan abstentzioa.
♦ ELGOIBARKO EMAITZAK, MAHAIKA -PDF-
- EAJ 2.341
- EH Bildu 1.597
- Elkarrekin Podemos 583
- PSE-EE 486
- PP 290
- C's 86
- ATTKA 44
- Ganemos 22