Eusko Legebiltzarrerako 2012ko hauteskundeekin alderatuz gero, EAJk, 32 boto galdu ditu (405 boto eskuratu zituen orduko hartan), eta EH Bilduk, 83 (2012an, 351 boto irabazi zituen). PSE-EEk beherakada nabarmena izan du, erdira egin duelako, baina kontuan hartu behar da Podemos estreinakoz aurkeztu del a aurten Legebiltzarrerako, eta indar berri bat egoteak botoen dantza ekarri duela. Iaz, abenduan, egin ziren Espainiako Gorteetarako hauteskundeetan aurkeztu zituen zerrendak estreinakoz Podemosek, eta orduan 290 boto eskuratu zituen.
EAJk jaso ditu boto gehien Mendaron, eta EH Bildu izan da bigarren alderdi bozkatuena, Podemosen aurretik
EAJk 373 boto eskuratu ditu Mendaron, eta 105 botoren aldea atera dio bigarren indarrari, hau da, EH Bilduri. Podemos izan da hirugarren alderdirik bozkatuena, eta babes esanguratsu batekin sartu da, gainera, indar berri hau Mendaron, 144 boto eskuratu baititu, PSE-EEk –laugarren indarra- baino 87 gehiago. Hortaz, gehiengo handia lortu dute Mendaron Gipuzkoa, Araba eta Bizkaiko herritarren erabakitzeko eskubidearen alde dauden hiru hautagaitzon ordezkaritzek. Parte-hartzea %62, 15ekoa izan da.