Martxoaren 13an preso izandako talde batek aurkeztutako Abian da bidea ekimena azaltzera etorriko dira Iñigo Akaiturri eta Antton Lopez Elgoibarrera, Sortu eta Iratzar Fundazioaren eskutik. Ekimenaren manifestuak 1.400 bat preso eta iheslari ohiren atxikimendua jaso du. Tartean, Elgoibarko Julen Agirre, Juli Arregi, Jose Antonio Arribillaga, Sebas Elizburu, Inazio Iriondo, Gemma Jaio, Jon Iñaki Jaio, Rosa Martinez, Juan Mari Mendizabal, Iñaki Odriozola, Arnaldo Otegi eta Joseba Zinkunegi daude. Manifestu hau sinatu dutenek Euskal Preso Politikoen Kolektiboari zein Euskal Iheslari Politikoen Kolektiboari sostengua helarazi diete eta presoen kolektiboaren erabakiak errespetatzen dituzte. “Salbuespenezko legedia astindu beharra dago, sakabanaketa bukatu. Gehiengo sozial zabalak eraginkortu beharko du irekitako eskenatoki berria, ustel ez dadin. Alde anitzetako konpromisoak behar ditu honek guztiak. Guk geurea aldarrikatu nahi dugu lehenik eta behin. Euskal preso politikoen Euskal Herrirratze eta etxeratzearen aldeko lanean murgiltzera gatoz”, dio manifestuak. Apirilaren 17rako manifestazioa antolatu dute Bilbon sakabanaketaren aurka eta presoen etxeratzearen alde.
Hitzaldia 19:00etan hasiko da.