Betisua txarangak egin zituen gidari lanak atzo Elgoibarko kaleetan egin zuten Pintxoconcert saioan, eta egin zuten geldialdi bakoitzean musika eskolako talde bat zuten zain.
Inazo Bereziartua Dantza eta Musika eskolako dozenaka musika eta dantza ikaslek hartu zuten parte Pintxoconcert saioan, eta ikasten dihardutena jendaurrean eskaini zuten, herritarren aurrean. Betisua txaranga uztartu zituen musika ekitaldi guztiak, egin zuten kalejiraren bidez. Musika eskolatik irten ziren kalejiran, eta hainbat geldialdi egin zituen txarangak, herriko txoko desberdinetan. Geldialdi bakoitzean, musika eskolako talde bat zuten zain, etatxaranga haien parera ailegatzean, txarangari lekukoa hartzen zioten herria musikaz girotzeko ahaleginean. Zenbait pieza jo eta gero, bere bideari berrekiten zion Betisuak, harik eta kalejira hasi zuten lekuan bukatu zuten arte. Han azken kontzertu batek eman zon amaiera aurtengo pintxoconcert saioari.
