Jon Sarasua: "Herri egiten gaituzten zuntzak ez gara ari behar beste dinamizatzen"

Barren.eus 2023ko api. 21a, 09:44

'Zergatik eta zertarako euskaldun? Egiten duguna pentsatzeko, pentsatzen duguna egiteko' ekimenaren barruan, 'Herrigintzaren lainopetik' hitzaldia eman zuen Jon Sarasua kazetari, soziologo eta Euskararen Gogoetagunea egitasmoaren koordinatzaileak (Aretxabaleta, 1966) Elgoibarren, martxoaren 30ean, eta han esandakoen kronika jaso dugu, komunitate moduan ahalduntzeko baliagarri izan daitekeelakoan.

Elgoibarren Sarasuak esan zituenetan sakondu nahi duenak aukera du Interneten, Euskaltzaindiak Youtuben daukan kanalean eskegita duelako Sarasuak joan zen azaroan Donostiako Luis Villasante Euskararen Ikergunean eman zuen hitzaldia, zortzi ataletan banatuta.

Sarasuak Kultur Etxean esandakoen kronika BARREN astekariko 1282. zenbakian irakur dezakezue -PDF-

Pentsamendua eta jakintza lantzeko, euskalduntasunean sakontzeko eta elgoibartarrak norbanako eta komunitate moduan ahalduntzeko, 'Zergatik eta zertarako euskaldun?' ekimena jarri du martxan Elgoibarko Izarra Euskaltzaleon Topaguneak, Udalaren laguntzarekin. Ekimen horren baitan bi kulturgile gonbidatu zituzten Elgoibarrera: Jon Sarasua eta Ibai Iztueta (irakurri Ibai Iztuetari eginiko elkarrizketa).

2023 04 21 jon sarasua elk barren elgoibar garabide

2023 04 21 jon sarasua elk barren elgoibar pub