Kultura

barren.eus-logoa

Tokikom

 

 
 

2023 01 19 2022 03 05 EH mus txapelketa elgoibar tantaka 6Euskal Herriko mus txapelketa martxan da, eta Elgoibarko kanporaketak badauka data: urtarrilaren 28an jokatuko dute, Kultur Kafean. Bikote bakoitzak 20 euro ordaindu beharko ditu parte hartzeko.

Bikote irabazleak lau ardo botila irabaziko ditu, eta bigarren sailkatuentzat bi ardo botila izango dira saria. Gainerako partaideen artean, bi ardo botila zozkatuko dituzte.

Gipuzkoako finala Deban jokatuko dute martxoaren 11n, eta Euskal Herriko finala martxoaren 25ean izango da, Zornotzan. Irabazleak garaikurra, 3.000 euro eta lau lagunentzako Karibera bidaia irabaziko ditu. Bigarren saria, berriz, garaikurra, 1.500 euro eta bi lagunentzako Karibera bidaia izango da. Hirugarren sailkatuak 750 euro eta lau lagunentzako asteburuko egonaldia irabaziko du, eta laugarrenak 500 euro eta euskara ikasteko urte osorako bi matrikula. Bosgarren postutik zortzigarrenera arteko bikoteek 200na euro jasoko dituzte, eta hortik 16. postura artekoek 100na euro.

Iaz Nafarroa Garaiko Arazuri herriko Jesus eta Iban Zubiri aita semeak gailendu ziren 13. Euskal Herriko txapelketan, finalean Behe Nafarroako Heleta herriko Pierre eta Gerard Larreren aurka irabazita. Baigorrin jokatu zuten finala, apirilaren 9an, Baigorriko Kulturaldiaren barruan. Ikus iazko finaleko irudiak ondorengo bideoan.

∞Lotura duten albisteak:

Elgoibarko Izarra

elgoibarkoizarra-logoa-irudia

 

Gida komertziala

Gida komertziala 2018

Bideoak

Barren astekaria

ePosta harpidetza