Elgoibarko Izarrak antolatutako santa eskean parte hartzen duten lagunak otsailaren 4an, 14:30ean, elkartuko dira Kalegoen plazan, eta bi taldetan banatuta, Elgoibarko baserri-auzoetan jardungo dute kopla kantari, 22:00ak aldera arte. Ondoren, Aiastiako elkartean afalduko dute.
Koruetan parte hartu nahi dutenek urtarrilaren 30erako eman beharko dute izena, 943 741 626 (Imanol) telefonora deituta edo elgoibarkoizarra@elgoibarkoizarra.com helbidera idatzita.
1994an berreskuratu zuen elkarteak baserriz-baserri kantuan eta eskean irteteko ohitura, eta baserritarrek atea zabaltzen dieten bitartean ohitura horri eutsi nahi diote.