Eguraldiak ez du beste ezertarako aukerarik eman gaur, eta kalez kale beharrean, frontoian ospatu dute Ameikutz musika eskolako trikitixa ikasleek eta euskal dantza taldekoek, gaur, Santa Zezilia eguna. Atzo, bai, atzo, txistulariek egin ahal izan zuten iragarritako kalejira.

Jaialdia hasteko, kantu bat jo dute dantza eskolakoek, eta kalejiran sartu dira plazara euskal dantzakoak gero. Fandangoa, arin-arina, polka eta zazpi jauzi dantzak dantzatu dituzte gero dantza eskolako nagusiek eta txikienek elkarrekin. Atzo, berriz, Ameikutz musika eskolako txistuko ikasleak kalez kale ibili ziren, kalejiran.