Guztira 43 argazki aurkeztu dituzte Ermuko Udaleko Kultura Sailak antolatu duen 2022ko oporretako argazki lehiaketara: 14 kamerarekin ateratako argazkien modalitatean eta 29 mugikorrarekin ateratakoetan. Kamerarekin ateratako argazkirik onenaren saria Asier Casas Rodriguezek eskuratu du Instante en Nantes irudiarekin. Frantziako hiriko kaleetan ateratako argazki horri esker, 300 euroko diru-saria jaso du egileak.
Modalitate berean bigarren saria jaso du Clara Isabel Mejias Barriosek aurkeztutako argazkiak. Argazkia Ourenseko Bande urtegian ateratakoa da, eta 200 eurorekin saritu du epaimahaiak.
Saritutako argazki guztiak ermua.es web orrian hemen ikus daitezke.
∞Lotura duten albisteak:
- Jose Ramon Cabreraren argazkiak irabazi du Ermuko Udalak antolatutako “2021eko oporrak” lehiaketa (2021-11-08)