Bi bandek urteak daramatzate urtean behin elkarrekin kontzertu bat ematen. "Musikari gazteak herriko bandarekin jotzearen onurak ugariak eta handiak dira, motibazio berezi bat izaten baitute, eta gainera Bandako musikariak izango dira euretako batzuek etorkizunean", azaldu dute musika eskolako arduradunek.
Elgoibarko Herriko Antzokian emango dute kontzertua domekan, urriaren 23an, 12:30ean hasita. Juanma Saez eta Iker Nausiak zuzenduko dute kontzertua eta honako piezak interpretatuko dituzte:
- Coliding Visions (B- Balmages)
- Aladdin (A. Menken)
- Eperra (A. Duhalde)
- A Joyful journe (R. Sheldon)
- Théme Varié (W. Hautvast)
- Broken Sword (K. Hoube)
