Elgoibarko Udalak eta Erraldoi eta Buruhandien Konpartsak deialdia zabaldu dute konpartsara kide berriak erakartzeko. Zehaztu dutenez, beharrezkoa da 16 urtetik gorakoa izatea. Izena eman nahi duen orok mezu bat bidali behar du elgoibarkoerraldoiak@gmail.com helbide elektronikora.
Elgoibarko Erraldoi eta Buruhandien Konpartsa hamabi buruhandiz (Basajaun, Basandere, Tartalo, Mari, Donald ahatea, Ipotx zoriontsua, Pinotxo, Mickey Mouse, Amama, Aitita, Sorgina eta Pirata) eta lau erraldoiez (Nafarroako errege-erreginak: Zuria I. Nafarroakoa eta Martin gaztea; Altzola dorretxeko jaun-andreak: Aszensio Altzola eta Katalina Ibarra) dago osatua.
∞Lotura duten albisteak:
- Erraldoien eta buruhandien erakusketa (2021-09-13)
- “Urte eta erdian osatu dugu miniaturazko erraldoien bilduma” (2021-09-03)