Domekan, urtarrilaren 16an, Goazen 8.0 taldearen Pausoka kontzertuak izango dira goizean eta arratsaldean Elgoibarren.
Goazen telesaileko protagonistek eskainiko dituzte emanaldiak Herriko Antzokian. Pertsonaia ezagunak eta berriak elkarrekin arituko dira hainbat denboralditako kantak eskainiz. Kontzertu bakoitza ezberdina izango da, protagonistak aldatuko dira, eta emanaldi bakoitzean eskainiko duten abesti zerrenda ere, aldatzen joango da. Telesailaren arrakasta ikusita, musikalerako sarrerak ere agortu egin dira.
"Lagunak" udako kanta aurkeztu ondoren, hasi zuten Goazen telesaileko protagonistek kontzertu bira berria.
