Atzo, hilak 20, inauguratu zuen Elgojaiotza elkarteak jaiotza mekanikoa. Cesar Carvallo Elgojaiotzako kideak jarri zuen martxan. 21 urtez dihardu elkartean lanean, eta jaiotza martxan jartzea ohore bat zela nabarmendu zuen.
Aurtengo jaiotzak bi figura berri dauzka, bata iazko prestatuta zutena eta bestea, aurtengoa. Zuhaitza mozten ari den aizkolaria da bata, eta zuhaitza moztu ostean lurrera erortzen da. Bigarren figura, ardiei ilea moztu eta artilea egiten ari den emakumea da.
Koronabirusaren pandemia dela-eta, hainbat neurri hartu dituzte arduradunek. Aretoan 20 lagun sartu daitezke aldiro, eta gehienez 15 minutuz egon daiteke barruan. Zaintza lanetarako ere Udalak enpresa bat kontratatu du aurten, Elgojaiotzako kideak arrisku taldekoak direlako, eta airearen kalitatea neurtzeko aparatua ere jarri dute aretoan.
Jaiotza mekanikoa urtarrilaren 9ra arte egongo da ikusgai Parrokiaren lokalean, astelehenetik barikura 17:30etik 20:30era, eta zapatu eta jai-egunetan, berriz, 11:00etatik 13:30era eta 17:00etatik 20:00etara.
∞ Lotura duten albisteak:
- 40 urtean hutsik egin gabe jarri du Elgojaiotzak jaiotza mekanikoa, baina aurten ezingo dute ipini (2020-12-18)
- Jaiotza mekanikoa zabalik da, hiru berrikuntza nagusirekin (2019-12-22)
- Jaiotza mekanikoak 14.500 bisita izan ditu (2018-01-23)
- Munilla gotzainaren bedeinkazioarekin inauguratu dute jaiotza mekanikoa (2017-12-21)