Emakume batzuen egoeraz eta bizimodu "gogorraz" gogoeta egitera animatu nahi ditu Monrealek erakusketara hurbiltzen diren bisitariak, bertan aurkituko duten ezusteko elementu baten bidez.
Kultur Kafe ondoko aretoan dago erakusketa, hilaren 21era arte. Akuarela eta akrilikoak jarri ditu ikusgai margolariak. Ekainean hasi zen margotzen, eta azken hilabete hauetan sortutako 23 bat koadro jarri ditu ikusgai. Inspirazio une aberatsean dagoela aitortu du Monrealekk, eta koadroak bata bestearen atzetik margotu dituela adierazi du. Etxeak, leihoak, lorak eta paisajeak margotu ditu batez ere.
