Eserita izango da, eta ikusleak ere eserita egon beharko dira. 18 bat musikari bilduko dira barikuan, uztailaren 2an, emango duten kontzertuan, eta batzuk gainera, lehenengo aldiz joko dute txarangarekin. Mauxitxaren ohiko errepertoriotik haragoko kantak joko dituzte, eta gehienak pop-rock estiloko musika taldeen abesti ezagunak izango dira. Dozena bat abesti prestatu dituzte, denak txarangako musikariek eurek moldatutakoak. Kanta modernoak eta landuak izango dira, jendeak gustura entzuteko modukoak. Kontzertu berezia izango dela aurreratu dute, eta sorpresak ere iragarri dituzte.
Udaleko Kultura Sailak antolatu duen Kultura Eguzkitan egitasmoko estreinako kontzertua izango da Mauxitxa Band-ek emango duena. Izan ere, San Bartolome jairik ez da egongo, baina kulturak izango du lekurik uda honetan Elgoibarren.
Kalegoen plazan izango Mauxitxa Band-en, kontzertua, 19:00etan.