Intentsitatea, hurbiltasuna eta berehalakotasuna dira Perlak taldearen ezaugarririk nagusienak. Sentikortasun handiko tarte gordinak eta ilunak, pasadizo samurrekin uztartzen dituzte. 2014an aurkeztu zuten euren lehen diskoa, “Perlak” izenekoa, eta urte berean Gaztea irratiak antolatu zuen Maketa Lehiaketako finalera iritsi ziren. Ordutik hona, Euskal Herriko hainbat aretotan ari dira diskoa aurkezten, eta 50 kontzertu baino gehiago eman dituzte. Gaur egun Miren Narbaizak, Patxi Agirrek, Maite Martiarenak eta Ilargi Agirrek osatzen dute taldea. 23:00etan hasiko da kontzertua, eta 3 euroan salduko dituzte sarrerak.
- Informazio osoagoa: http://musikazuzenean.com/perlak
•Bandera moreak, Uxue Alberdiren hitzekin
Duela gutxi abesti berri bat ere sortu dute, Bandera moreak izenekoa. Uxue Alberdiren hitzekin, Emakumeen Mundu Martxako karabana feministarako propio egindako kantua da. Hona hemen:
Perlak taldearen lehen bideoklip ofiziala: Olatu.