Zirku musikala, domekan, Mendaron

Barren.eus 2021ko eka. 3a, 14:33

Landarbaso abesbatzak zirku musikala emango du domekan (ekainak 6), San Agustin Kulturgunean, Mendaroko Udalak antolatuta. Horren harira, Ameikutz Musika Eskolatik mezua zabaldu dute HH4tik LH6ra arteko umeentzat eta gurasoei eskatu diete joateko asmoa dutenek jakinaraztea, ikuskizunean haurrekin interaktuatzen dutelako eta komeni zaielako haurrak adinaren arabera banatzea.

Bi emanaldi egingo dituzte, 16:30ean lehenengoa eta 18:00etan bigarrena.

Izena emateko: iameikutz@gmail.com helbidera idatzi behar da edota 619 306 493 telefonora deitu edota whatsappa idatzi (gaur gauerako egitea eskatu dute). Adina jakinarazi behar da. Sarrerak Puxikan daude salgai, euro batean.

Emanaldiko ipuin musikalaren aurkezlea triste dago, emanaldian lagundu behar zioten artistek huts egin diotelako. Horregatik, ikusleen laguntza eskatuko du zirku musikaleko hiru protagonista nagusien papera egin dezaten eta horien abestia abestu dezaten. Sarrerak Puxika goxoki dendan daude salgai, euro batean.
Emanaldiaren promoa, hemen