Instrumentua aukeratzea tokatzen zaien umeen kasuan, Musika Eskolako arduradunak jarriko dira gurasoekin harremanetan. Ikasle berrien kasuan, maiatzaren 31ra arte izango dute izena emateko epea. Musika Eskolako idazkaritzan egin beharko dute izenematea, astelehenetik barikura, 15:00etatik 21:00etara. Informazio gehiagorako elgoibarmusika@elgoibarmusika.eus helbidera idatzi edo 943 742 145/ 628 929 055 telefonoetara deitu daiteke. www.elgoibarmusika.eus weborrian ere kontsulta daiteke.
Inazio Bereziartua eskolak eskaintzen duen ikasketa plana ondorengo loturan ikusi daiteke: https://www.elgoibarmusika.eus/eu/eskaintza/
• Dantza jaialdiko bideoak sarean
Martxo hasieran egin zuten dantza jaialdiko bideoak sarean jarri ditu Inazio Bereziartua eskolak. Ikuslerik gabe egin zuten jaialdia Herriko Antzokian, eta streaming bidez eman zuten zuzenean. Orain, sarean jarri dituzte ikusgai jaialdian eginiko hainbat dantza, bide ezberdinetan.