Inazio Bereziartua Musika eta Dantza Eskolako sei dantzarik hartu zuten parte Gazteen Gipuzkoar erako Aurresku Txapelketako ligaxkako bigarren jardunaldian, Amasa-Villabonan. Denak maila onean aritu zirela adierazi dute eskolako arduradunek, baina Eneko Etxanizek D mailan lortutako garaipena nabarmendu behar da.

Uxue Cabrera, Elaia Etxaniz, Duna Santos, Nerea Galindo, Malen Galarraga eta Eneko Etxaniz izan ziren Inazio Bereziartuako ordezkariak Amasa-Villabonan. Hainbat herritatik joandako dantzariek hartu zuten parte ligaxkako bigarren saioan: Lezo, Lasarte, Amasa-Villabona, Legazpi, Andoain, Anoeta, Zizurkil, Lizartza, Mendaro eta Elgoibar.

Ligaxkako hirugarren saioa Lezon jokatuko dute dantzari gazteek, apirilaren 17an. Unax Ansola, Amaia Mendia, Maialen Pizarro, Uxue Cabrera eta Jon Etxeberria izango dira Elgoibartik joango diren dantzariak.

∞Lotura duten albisteak:

• Elgoibarko eta Lezoko dantzari gazteen aurreskuak nabarmendu dira Aurresku Txapelketaren lehen jardunaldian (2021-03-15)