Otsailaren 14an bete zituen Julen Zabaleta 'Yulen' marrazkilariak 100 urte, eta horren harira, bere bizitzari buruzko ‘Yulen 100 urte’ argazki erakusketa antolatu dute Udalak eta Ongarri Argazkilari Taldeak elkarlanean. Erakusketa otsailean zuten inauguratzekoa, baina bertan behera utzi behar izan zuten ekitaldia, Elgoibar eremu gorrian zegoelako.
Atzo irten zen Elgoibar eremu gorritik, beraz, gaurtik aurrera berreskuratuko dituzte orduan bertan behera geratu ziren hainbat ekitaldi, tartean, 'Yulen 100 urte' erakusketa. Hilaren 13ra arte egongo da ikusgai, 18:30etatik 20:30etara, Elgoibarko Kultur Etxean.
