9:00etan batu ziren Kalegoen plazan, eta handik abiatuta, herriko kale eta auzo guztiak bisitatu zituzten. San Anton jaiak ere bereziak izan dira aurten pandemiagatik, baina zenbait ekitaldi antolatu ahal izan dituzte. Txistularien dianaz gainera, San Antonetako zigilu erakusketa ere martxan da eta Kultur etxean daude ikusgai dozenaka zigilu bilduma eta baita Koldo Lizarralderi eta Julen Zabaletari eskainitako zigilu berezia ere, biei eskainia baita aurtengo erakusketa.
Ainara Ortegak eta Angel Unzuk domekan Herriko Antzokian eman zuten musika emanaldia izan zen Udalak antolatutako beste ekintzetako bat.
*Argazkiak: Askasibar /Elgoibarko Udala