Ameikutz Musika Eskolako ikasleek sarean ipini dituzte Gabonetako jaialdirako prestatutako saioak

Barren.eus 2020ko abe. 21a, 19:48

Gabonetako jaialdiarekin agurtu ohi dute urtea Mendaroko Ameikutz Musika Eskolakoek, baina aurten, pandemiak ez die horretarako aukerarik eman, eta ondorioz, beste modu bat topatu behar izan dute ikasturtean egindako lanaren berri emateko.

Bideo pilulak grabatu dituzte eta musika eskolak Facebooken daukan orrialdean ari dira zintzilikatzen grabazio guztiak.

Soinua nahiz panderoa ikasten ari direnak, eta gitarra, perkusio, txistu, eta biolin ikasleak ikusi ditugu egunotan, bai eta konbo taldekoak ere. Bideo guztiak Facebook sare sozialean dituzte ikusgai jarrita.