Liburutegien Nazioarteko Eguna da urriaren 24a eta horren aitzakian, ipuin-kontaketa saioa antolatu du Mendaroko Udalak, eguenerako (urriak 22). 4-8 urte bitarteko haurrentzako saioa da, eta sarrerak liburutegian eskuratu behar dira, doan.
Liburutegiko sekretuak saioa emango du Ane Gebara ipuin kontalariak. Udaletxeko pleno aretoan izango da saioa, 18:30ean hasita, baina COVID-19aren pandemia dela-eta, gehienez 55 pertsona sartu ahal izango dira aretoan. Horregatik komeni da lehenbailehen hartzea sarreak, liburutegian. Ipuina entzutera doazenenek maskara jantzi beharko dute eta eskuak garbitu aretora sartu aurretik.
