Lan bakarra aurkeztu da aurtengo lehiaketara, Idoia Ortegak aurkeztutakoa, hain zuzen ere, eta berak eskuratu du 300 euroko saria. Ortegak azaldu duenez, urtero aurkezten da lehiaketa honetara eta baita San Bartolome jaietako egitarauaren azala aukeratzekora ere.
Antolatzaileek adierazi dute harrituta daudela aurkeztutako lan kopuruarekin, uste baitzuten konfinatuta egonda denbora libre gehiago izango zuela jendeak eta lan gehiago aurkeztuko zirela lehiaketara. "Tamalez ez da hala izan. Espero dugu datorren urtean lagun gehiago animatzea parte hartzera", esan dute Atabal elkarteko arduradunek. Iazko lehiaketara hamahiru lan aurkeztu ziren.
Danborradarako kartel lehiaketako irabazlea, urtez urte:
- 2019 Mikel Cornejo
- 2018 Asier Gurrutxaga
- 2017 Xabier Isasti
- 2016 Aitziber Dominguez
- 2015 Nerea Oteiza
- 2014 -
- 2013 Nerea Oteiza
- 2011 Marina Gabiola
- 2010 Jose Manuel Esnal
- 2009 Jabi Barrenetxea
- 2008 Jose Manuel Esnal
- 2007 Jose Manuel Esnal
- 2006 Nestor Perez