Sukarra da, arnasa hartzearekin eta eztularekin batera sintomarik adierazgarriena COVID-19an. Baina zenbateraino da adierazgarria sukarra?

Elhuyarren “COVID-19aren izurria argitzen” bideo-pilulen bederatzigarrena, azkena, duzue honako hau:

Elhuyar Zientziako lantaldeak bederatzi bideo pilulako sorta bat prestatu du koronabirusaren inguruko argibideak emateko, eta azken egunetan argitaratu ditugu, bederatzi guztira gaurkoarekin. Ana Galarraga Aiestaran Elhuyarreko kideak hainbat gai landu ditu minutu bateko bideoetan, hala nola birusaren jatorria, komunitate zientifikoaren ahalegina, adinaren araberako eragina, emakumeak zaurgarriago izatea eta tratamendu zenbait. Hona guztiak:

1. atala: COVID-19a: Saguzarretatik gizakietara (2020-03-30)
2. atala: Mesederik ez (2020-03-31)
3. atala: Adin guztietakoak infekta daitezke (2020-04-01)
4. atala: Emakumeak zaurgarriago (2020-04-02)
5. atala: Erabateko konfinamendua (2020-04-03)
6. atala: Pandemiaren metaforak (2020-04-06)
7. atala: Birusaren mutazioak (2020-04-07)
8. atala: Tratamenduak proban (2020-04-08)