Amets eta hegan egiteko ipuinak kontatuko ditu, hezkidetza oinarri hartuta. Feminismoaren gaia ere ez du ahaztuko, eta bere ipuinetan emakume indartsu eta ausartak izango direla protagonista aurreratu du.
Aita Agirre kultur kafean izango da saioa, 18:00etatik aurrera.
Amalurra ipuin kontalaria du izen artistikoa, baina horren atzean Eulali Moreno elgoibartarra dago. Urteak dira Elgoibartik kanpora bizi dela, eta bariku arratsaldean bere sorterrira itzuliko da, ipuinak kontatzera.