Ohitura duten legez, santa eskean irten dira Mendaro Ikastolakoak gaur, Santa Ageda bezperaz. Eguraldiagatik, baina, kalez kale egitekoa zuten eskea Ospitalera eta Eguneko Zentrora mugatu dute.

Lehen Hezkuntzako laugarren eta bosgarren mailakoak irten dira kanpora kantura. Ondoren, ikastolako ikasle eta irakasle guztiek batera, saio berezia eman dute ikastolako patioan, guraso eta gainerako senideen gozamenerako. Mailaka, gaurko prestatutako koplak kantatu dituzte, soinu eta panderoarekin lagunduta.

ARGAZKI-BILDUMA: Mendaroko Ikastolakoen santa eskea