Elgoibarko kultur agenda batzeko webgune bat sortu dute herriko hainbat kultur eragilek

Barren.eus 2020ko urt. 14a, 14:28

Elgoibarko hainbat kultur taldetan dabiltzan kideek ElgoibarKultura.eus proiektua sortu dute, Elgoibarko kultur agenda batzeko asmoarekin.

 

Kultur taldeek eurek somatutako behar batetik abiatutako proiektua da ElgoibarKultura.eus

Agenda egutegi bateratu bat sortzea da helburu nagusia, ekitaldi bakoitzak bere eguna izan dezan, besteei kalterik egin gabe. Horrekin batera, herritarrei kultur ekitaldien berri emateko beste modu bat izatea nahi dute. Momentuz, Sinuose, Elgoibarko Gazte Asanblada (Sutegixa), Elgoibarko Udal Musika Banda, Inazio Bereziartua musika eta dantza eskola eta Elgoibarko Musikarien Elkartea (EME) daude egitasmoan, baina proiektu gainerako kultur eragileei ere irekita dago egitasmoa. Interesatuek elgoibarkultura@hatza.eus helbidera idatzi dezakete.