Patria telesailaren estreinaldirako egun zehatza erabaki gabe duten arren, HBO kateak aurreratu du 2020ko maiatzean emango dutela. Miguel Salvat ekoizleak jakinarazi du "oso pozik" daudela orain arte egin duten lanaren emaitzarekin, oraindik muntaia lanetan ari badira ere. "Badakigu jendea zain dagoela emaitza ikusteko, eta horien itxaropenak asetzeko gai izango garela uste dut", esan du. Zortzi atal izango ditu telesailak, eta astez aste plazaratuko dute bakoitza.
Telesailean ageri diren kaleko irudiak Elgoibar, Soraluze eta Donostian grabatu zituzten, bereziki. Gainera, Elgoibar, Mendaro zein inguruetako herrietako makina bat lagunek egin zituzten figurante lanak grabaketetan. Telesaileko protagonistetako bat ere gertukoa da, Joxe Mariren papera antzezten baitu Elgoibarko Izarrako langile Jon Olivares aktore osintxuarrak. Olivaresek BARREN aldizkariari emandako elkarrizketan azaldu zituen telesailaren eta bere paperaren inguruko xehetasunak.
HBO kateak 2020 urtean estreinatuko dituen telesailen berri eman du, -Patria, tartean-, promozio bideo batean, eta Elgoibarko irudiak ageri dira hor, eta Olivares ere bai.
∞Lotura duten albisteak:
- BIDEOA: Jon Olivares 'Patria'ko aktoreari elkarrizketa telesailaren inguruan (2019-04-02)
- Ikusmina sortzen ari da 'Patria' telesailaren grabazioa Elgoibarren (2019-03-01)
- Mendaroarrak aktore lanetan 'Patria'n (2019-03-28)
-
'Patria' telesaila Elgoibarren grabatuko dute datorren astean (2019-03-28)
- Elgoibarko Izarrako langile Jon Olivares 'Patria' telesaileko aktoreetako bat izango da (2019-03-15)
- 'Patria' telesailean parte hartzeko kastinga egingo dute Elgoibarren (2019-01-29)