Jose Julian Marquezek arkeologia munduko adituak gonbidatu zituen Hezur Museoaren inaugurazio ekitaldira, eta hainbat erakustaldi egin zituzten zuzenean: Mikel Agirre arkeologoak esaterako zuzenean zizelkatu zituen harriak. Edu Gordok, bestalde, sua egiteko hainbat teknika menderatzen ditu eta horietako batzuk erakutsi zituen. Goiko bideoan ikus ditzakezue bata zein bestearen trebetasuna. Bertaratu ziren lagunek, heldu zein ume, ere izan zuten historiaurreko gizakiek sua egiteko erabiltzen zituzten moduak probatzeko aukera, eta batek baino gehiagok lortu zuen sua egitea.
