Eibarko futbol taldea eta Wiko babeslearen proposamenari helduz, Dantzaz konpainiak "4Milpasos" ikuskizuna sortu du. Futbola eta dantza uztartzen duen ikuskizuna Coliseo antzokian aurkeztuko dute zapatuan (20:30). Europako bost herritatik etorritako hamabi dantzarik Josu Mugica koreografoaren aginduetara lan egin dute. Mujikak jakinarazi duenez, futbol munduko “zirrarak eta emozioak” koreografiara eramaten saiatu da. Sentimendu horiek ezagutu eta futbola eta dantzaren arteko loturak bilatzeko, besteak beste, Eibar taldearen partidak eta entrenamenduak ikusi dituzte. Era berean, “Eibarren miraria” azaldu nahi izan du Mujikak. “Eibar dago, atzean herri bat dagoelako” azaldu du koreografo elgoibartarrak EiTBri eginiko adierazpenetan. Ikusi ondorengo bideoan.
Dantzaz Konpainiaren errepertorioko “Naufragoak” ikuskizunaren koreografoa ere bada Josu Mujika.