Ane Labaka gailendu zen Elgoibarko final-zortzirenetako saioan

Barren.eus 2019ko ira. 30a, 10:06

Gipuzkoako Bertsolari Txapelketaren seigarren final-zortzirena jokatu zuten zapatuan, Elgoibarko Herriko Antzokian. Ane Labaka Mayozek bildu zuen puntu gehien, eta honenbestez, final-laurdenetarako txartela lortu du Labakak.

Bertsozaleek ez zuten hutsik egin eta Herriko Atzokia bete zuten, sarrerak agortuta baitzeuden bezperatik. Sei bertsolari aritu ziren kantuan eta Ane Labakak (Lasarte-Oria, 1992) lortu zituen puntu gehien, 458,5 puntu. Beraz, azaroaren 2an Azkoitian jokatuko den final-laurdenean kantatuko du. Horrela geratu ziren dira Elgoibarko puntuazioak (ikus hemen puntuazio taula osoa):

Aurkezle lanak Ane Ezenarro Beristainek egin zituen eta epaimahaiko kideak hurrengoak izan ziren: Eneritz Azkue Basurko, Karlos Ibarguren Olalde, Leire Beloki Lizarralde, Mikel Lersundi Ayestaran eta Mikel Urteaga Azkue. Idazkari lanetan, berriz, Gorka Segurola Dorronsoro aritu zen.

2019 09 28 gipuzkoako bertsolari txapelketa elgoibar herrikoantzokia publikoa irati a

Irudiak: Irati Agirreazaldegi eta Gipuzkoako Bertsozale Elkartea.