Sotoko Hotsak jaialdiaren barruan, Moxal taldea ekarri zuten atzo Sinuöse kultur elkarteko lagunek Elgoibarrera, eta Crudo Pimento talde murtziarra gonbidatu dute gaurko (Kultur Etxeko Sotoan, 23:00etan).
Bihar, berriz, Mendaroko Garagartza auzoko plaza hartuko dute, La Basuk, Joseba Irazoki eta lagunek, Kokeinek eta ibilbide eta sona handiko beste hainbat taldek. Musika bizi duen lagun talde bat ari da bien antolakuntza-lanetan, eskarmentu handiko jendea, eta jakina, musika eskaintza bera ez ezik, jaialdi on batek eskatzen dituen gainerako osagaiak ere zaindu dituzte, mimo handiz. Mendaron, esate baterako, hiru food truck izango dira bihar, Garagartzara batzen direnek dena eskura izan dezaten.
- Mendaron zein Elgoibarren joko duten musika taldeei buruzko informazioa BARREN aldizkariko 1.130. zenbakian -PDF-