Donostiako Zinemaldiaren harira, zine ziklo berezia antolatu du aurten ere Ongarri zineklubak. Aurten, gainera, bereziagoa izango da. Izan ere, otsailean hil zen Iñaki Agirreren izena jarri baitiote zikloari: Iñaki Agirre Zinemaldia.

 Agirre izan zen Ongarri zineklubaren sortzaileetako bat, eta zinema zuen pasio. Haren oroimenez antolatu dute aurtengo zikloa, eta lau film emango dituzte, irailaren 19tik 30era bitartean: Cafarnaum, Un asunto de familia, Visión eta Sombra.

Cafarnaum filma izango da aurrenekoa. Irailaren 19an (eguena) eta 20an (barikua) emango dute Herriko Antzokian, 21:30ean.