Kultura

barren.eus-logoa

Tokikom

 

 
 

2019 07 19 sokamuturra hesi berriak elgoibar udala saninazioBarra bertikalak dituzten burdinazko hesiak jarriko ditu Elgoibarko Udalak sokamuturraren ibilbideko hainbat lekutan. Hesiok, 35 zentimetro dituzte barratik barrara, pertsonak bai baina zezena ez kabitzeko moduko distantzia.

Ekitaldi taurinoak antolatzeko araudia berritu zutenetik, erakundeek segurtasun neurri gehiago hartzera behartu dituzte antolatzaileak (ikus Euskadiko Zezen Araudia -PDF-). Elgoibarko sokamuturrak ere igarri ditu neurri horien ondorioak. Sokamuturra egiten den eremua murriztu dute urtetik urtera eta hesiak jarri inguru guztian. Gaur egun, hiru eremu edo sektoretan banatzen du Udalak sokamuturraren ibilbidea: Maala, Kalebarren eta Kalegoen.

Era berean, urtetik urtera hesitura eta hesi seguruagoak jarri dituzte. Kalebarren plazan, San Frantzisko iturriaren gainaldean, egurr eta metalezko hesitura finkoa jarri zuten duela urte batzuk, eta, iaz itxitura finkoak jarri zituzten estreinakoz San Bartolome eta Errosario kaleen erdian eta King-Kong parean.

2019 07 18 2018 09 14 sokamuturra sanbartolome elgoibar
 • Barra bertikalak dituzten hesiak
Kalegoen plazako sektorerako hesi berriak erosi ditu aurten Udalak. Azpeitiko Landeta Burdin Lanak enpresak egin ditu hesiak, eta barra bertikalak dituztela da duten berezitasun handiena. Mediterraneo inguruan egin ohi dituzten Bous al carrer ikuskizun taurinoetan ikusten diren erakoak dira hesiok -Cadafals deitzen diete era honetako egiturei-. Elgoibarkoak 2x2 metroko egiturak dira, elkarrekin lotu daitezkeenak, eta, 35 zentimetro dituzte barratik barrara. Hala, hesiak gainetik salto eginda pasa beharrean barren artetik pasa daitezke sokamuturran dabiltzanak zein ikusleak. Brigadako langileek aste honetan hasi dituzte hesiok lurrean finkatzeko beharrezkoak diren zuloak egiteko lanak, eta hesia bera ere ipini zuten, ondo geratzen dela frogatzeko. Hurrengo urteei begira gainerako sektoreetan ere jarriko ditu Udalak era honetako hesi finkoak. Hona aurten non jarriko dituzten:

  • Udaletxeko arkupeetan. Giza Eskubideen parkera ematen duten arkupeean ipiniko dute.
  • Txankakoa zubiaren hasieran. Hirigintzako eraikina dagoen parean ipiniko dute, Txankakoa zubia baino beheraxeago.
  • Muguruzatarren arkuaren ondoan. 2x2 metroko egitura bakarra jarriko dute Muguruzatarren arkuaren ondoan.
  • San Inazio kalean. Correos dagoen parean era honetako lau hesi ipiniko dituzte elkarrekin lotuta.
  • Santa Ana kalean. Arnoko ganadutegikoek kamioia ipintzen duten parean ipiniko dute hesi bat.

2019 07 19 sokamuturra hesi berriak elgoibar udala arkupeak

2019 07 19 sokamuturra hesi berriak elgoibar udala muguruzatarren

2019 07 19 sokamuturra hesi berriak fotomuntaia elgoibar udala

 

 

Elgoibarko berbetia

San Bartolomeak 2019

 

Gida komertziala

Gida komertziala 2018

Elgoibarko Izarra

elgoibarkoizarra-logoa-irudia

Bideoak

Barren astekaria

ePosta harpidetza