Ongarri Argazki Taldeak eta Udaleko Kultura Sailak antolatu dute Teo Martinezen argazkiekin osatutako argazki erakusketa. Astelehenetik zapatura egongo da ikusteko aukera, 18:30etik 20:30era.
Ongarritik jakinarazi dutenez, Teo Martinezen lana, azken urteetako espainiar argazkigintzaren aurkikuntza handienetako moduan nabarmentzen bada ere, bere begirada berezi, samur eta azidoak ez zuen balioespenik jaso joan zen mendeko 50- 70 hamarkada arte. Orain, “bere negatiboak kontu handiz puru kutxatik atera eta bere artxiboa berrargitaratua eta birbaloratua izan denean, Teoren talentuak, merezitako balioespena jaso du”, azaldu dute.
Bere belaunaldiko kide ezagunenen inbidiarik gabe, garaiko eskolez harago, bizitzea egokitu zitzaion Espainiaren ikuspuntu fresko, berri, eta lotsagabea gailentzen da bere lanean, konposiziorako zein iruzkin sozialerako berezko senaren jabe dena.
Teo Martinez Gorrochateguiri (Logroño 1930), 50. hamarkadan hasi zitzaion argazkigintzaren arra esnatzen, eta bere interesa, modu autodidaktikoan elikatu zuen Cómo aprender a hacer fotografías eskuliburua, eta Kodak Retina garairako luxua zen argazki kamera eskuetan hartuta. Txirrindulari afizionatua bera, argazkigintzaren oinarriak ikasi bitartean, txirrindulariei atera zizkien argazkiak Foto Teo goitizenez, eta honek, Errioxan ireki berri zuten La Gaceta del Norteko delegazioan erreportari gisa aritzeko aukera eman zion. Geroago, Europa Presseko enkargu fotografikoak ere egin zituen.