Pirritx, Porrotx eta Marimotots pailazoak Mendaron izango dira maiatzaren 31n, 'Musua' ikuskizunarekin

Barren.eus 2019ko mai. 23a, 07:45

Bihar zortzi, maiatzaren 31n, etorriko dira Pirritx, Porrotx eta Marimotots pailazoak Mendarora, 'Musua' ikuskizunarekin, eta sarrerak salgai daude dagoeneko.

Ikastolako jolastokian izango da Pirritx, Porrotx eta Marimotots pailazoen emanaldia, 18:30ean hasita, eta sarrerak salgai daude dagoeneko, 7 euroan (kapotadun haur-aulkietakoek debalde sartzea izango dute). Morroskillo liburu dendan eta udaletxean eskuratu daitezke sarrerak.

'Musua' du izena ikuskizunak eta zabalduko duten mezua honakoa da: Eguzkiak ez ezik, musuek ere jartzen dutela mundua biraka, gu geu biraka jartzen gaituzten hein berean.