Elgoibarko Musikarien Elkarteak (EME) deituta, herriko hainbat musikari eta kulturgile batu dira gaur, Arteak Ireki egitasmoak deitutako protesta egunarekin bat eginez. Protesta eguna baina, ospakizun eguna bilakatu da, Jaurlaritzak atzo erabaki zuelako lokaletan eskaintzeko kontzertuen hamabira arteko muga kentzea. Eurek dakiten moduan ospatu dute erabaki hori, kultura eginez eta ikusleekin partekatzen.
Eguerdiko 12:00etatik aurrera kulturak hartu du Maalako parkea. Herriko hainbat musikari batu dira eta bakoitzak abesti bana eskaini dituzte. Amaieran, Taupada taldeko Edurne LAsa eta Jose Mari Larrañagak ere esketx txiki bat antzeztu dute. Arteak ezin duela mugarik eduki aldarrikatu dute guztiek. Giro polita sortu da parkean, eta ikusleek musikaz gozatu dute.