Otsailaren 10era arte egongo da erakusketa Elgoibarren, Makina Erremintaren Museoan, eta Andorrako Printzerria, Katalunia, Languedoc-Rosellon eta Akitaniako lurrak zeharkatuko ditu gero, inguru horietako industria eremu aipagarrienak erakusteko. Meategiak, txondorrak, burdinolak, langileen habitatak, burdinez egindako elementu arkitektonikoak edota eskultura garaikideak ezagutzeko aukera izango da.
Elgoibarren, 8:00etatik 13:00etara eta 14:30etik 17:30era bisitatu ahal izango da erakusketa. Horrez gain, bi bisita gidatu antolatu dituzte urtarrilaren 31rako, bata euskaraz eta bestea gaztelaniaz. Euskarazkoa goizez izango da, 10:30ean eta bestea, arratsaldez, 16:00etan. Ordubetekoak izango dira bi saioak, doan, eta gehienez 20 lagunentzako lekua egongo da. Arduradunek aurrez izena emateko eskatu dute 943 748 456 telefonora deituta edo museoa@museoa.eus helbide elektronikora idatzita.
Bestalde, otsailaren 27rako ekitaldi berezia antolatu dute Makina Erremintaren Museoko arduradunek. 20 urte bete ditu museoak, eta ospakizun ekitaldia egingo dute IMHn.