Abenduaren 10ean ipiniko dituzte salgai Elgoibarko Izarrak Eguberrietarako antolatu duen bertso-jaialdirako sarrerak

Barren.eus 2018ko abe. 5a, 11:40

Elgoibarko Izarrak abenduaren 27rako antolatu du Eguberrien bueltan urtero egin ohi duen bertso-jaialdia, eta sarreren aurre-salmenta abenduaren 10etik 21era izango da.

Aurten ere punta-puntako kartela osatu du Elgoibarko Izarrak. Maialen Lujanbio, Andoni Egaña, Miren Artetxe, Nerea Ibarzabal eta Unai Iturriaga arituko dira kantuan, Uxue Alberdi bertsolariaren gidaritzapean. Elgoibartarrak egingo ditu gai-jartzaile lanak. 

Bertso-jaialdia abenduaren 27an izango da (eguena), Elgoibarko Herriko Antzokian, 22:00etan hasita.
Sarrerak 11 euroan jarriko dituzte salgai (10 eurotan Elgoibarko Izarrako bazkide direnentzat).
Sarrerak Elgoibarko Izarrak Ubitarten duen egoitzan eros daitezke abenduaren 10etik 21era bitartean. Epe hori amaitu ondoren, sarrerarik geratzen bada, egunean bertan Herriko Antzokian salduko dira.
Elgoibarko Izarra Euskaltzaleon Topaguneak antolatu du bertso-jaialdia Elgoibarko Udalaren lankidetzarekin, eta Gipuzkoako Foru Aldundiaren eta Eusko Jaurlaritzaren laguntzarekin.

2018 12 05 elgoibarko izarra bertso saioa kartela