Gararockerako, gainera, Juan Carlos Cebrian mendaroarrak duela 20 urte grabatutako Lunático encerrado en un desván lana berrargitaratu du Screaminguy Recordsek, Mendaroko El Cubo estudioan berriz masterizatu ostean, eta salgai izango da. Lili Moon, Mendaroko pop-rock talde ezagunaren arimatzat dute askok Cebrian eta hark musikari egindako ekarpena eskertu nahi izan diote modu horretan herriko musikazaleek.
Osagai guztiak batu dituzte beraz Sinüose kultur elkarteko lagunek eta Gararock jaialdiaren antolatzaileek, asteburu biribila izateko.
Ainara Legardon eta Anari Alberdi musikariek BARREN aldizkariari eskainitako elkarrizketak, eta Mendaron zein Elgoibarren joko duten gainerako taldeei buruzko xehetasunak irakur ditzakezue aldizkariaren aste honetako alean -1089. zenbakia -PDF-
Gararock musika jaialdiko arduradunek kontzertuen ordutegietan aldaketak egon direla jakinarazi dute. Hona ordutegi berriak:
- Trakamatraka 16:00etan
- Dr. Maha's Miracle Tonic 18:00
- Last Fair Deal 19:00
- Jupiter Jon 20:00
- Anari 21:00
- Rubia 22:30
- Biznaga 23:45
- DJ ART-etxe 00:30
