Maiatzaren 25ean izango da BARRENen 25. urteurrena ospatzeko ekitaldi nagusia. Azaletik BARRENera! ekimena antolatu dugu, eta Maalako parkean izango den kantu eta dantza afariarekin emango diogu amaiera.
Jan-edana, musikariak, euskal kantak, dantzak eta lagun-giroa izango dira BARREN astekariaren 25. urteurrena ospatzeko osagaiak. Elgoibarko Udalaren babesarekin antolatu dugu.
21:00etan hasiko da afaria. Honakoa izango da menua: sarrerakoak, marmitakoa eta etxeko postrea. Afariari, nola ez, kantuan ekingo diote. Angel Mariezkurrenak animatuko du afaria, bost musikariren laguntzarekin. Hortaz, festa eta lagun-giroa izango dira, BARRENen 25. urteurrena ospatzeko.
- Eguna: Maiatzak 25, barixakua
- Ordua: 21:00
- Prezioa: 16 euro
- Izena emateko azken eguna: maiatzak 23.
- Izena non eman: Elgoibarko Izarra: elgoibarkoizarra@elgoibarkoizarra.eus / 943 741 626. BARREN astekaria: barren@elgoibarkoizarra.eus / 943 744 112
∞Lotura duten albisteak
- Maiatzaren 25ean handia egitera goaz (2018-05-11)
- Kantu eta dantza afaria, Angel Mariezkurrenarekin (2018-05-11)
