Kultura

barren.eus-logoa

Tokikom

 

 
 

2018 05 14 2017 12 20 fractality musika arnaitz erasoErmuako eta Elgoibarko kideak dituen Fractality bandak Demon lehendabiziko EPa aterako du laster. Eskola zaharreko death metal gordina jorratzen du boskoteak.

Iker Diego eta Patxi Zabaleta elgoibartarrak kide dituen Fractality musika taldeak Demon izeneko disko laburra kaleratuko du. Ekaitz Garmendia (Legen Beltza, Extinction) musikari eta gitarjolearen gidaritzapean lau abesti grabatu dituzte, Eibarko Legarrec estudioetan eta Karrantzako BlackStorm estudioetan.

Louis Boulanger artistaren La Ronde du Sabbat (1828) artelana oinarri duen azala eta abesti zerrenda ikus ditzakezue Euskal Herriko heavy metalaren ataria den herrikoburdina.eus webgunean. Lan berriaren aurkezpen kontzertua Portugaleteko Groove aretoan eskainiko du Fractalityk, ekainaren 30ean, Cerebral Effusion eta Vermis Antecessor taldeekin batera
Hona Demon diskoko aurrerapen abestia, Tortured:

2012 urtean zehar hasi zen Fractality taldea lehen urratsak ematen. Hasieran Oskar (baxua), Aure (bateria) eta Rubio (gitarra) batu ziren Ermuko lokal batean. Rubiok taldea laga zuen eta lagun baten bitartez Iker Diego gitarra jole elgoibartarra batu zen taldera, eta hirukote formatuan maketa bat grabatu zuten Eibarko Legarreko estudioan.
2015ean beste gitarjole elgoibartar bat batu zen taldera, Patxi Zabaleta. Diegorekin batera Elgoibarko Mutilated Soul taldean ibilitakoa da Patxi 90ko hamarkadaren amaieran. Urtebetez Igor izan zen taldeko abeslaria baina honek ere taldea laga zuen eta Bertok hartu zuen mikrofonoa. Taldeak 2017an eman zituen bere lehen kontzertuak. 2017ko abenduan Kultur Etxeko Sotoan ere eskaini zuten kontzertua, Sinuosek antolatuta.

BARREN 25 urte

BARREN 25 urte

GUREAN.EUS

 

Gida komertziala

Gida komertziala 2018

Elgoibarko Izarra

elgoibarkoizarra-logoa-irudia

Bideoak

Barren astekaria

ePosta harpidetza