Zilarrezko Euskadi Saria jaso du gaur, Liburuaren Nazioarteko Egunean, Danele Sarriugarte Mochalesek. Erraiak liburuagatik saritu dute idazle elgoibartarra. Argitaratu duten bere estreinako nobela da Erraiak -2014ko udaberrian kaleratu zuen Elkar argitaletxearekin-.
Gipuzkoako Liburu Saltzaileen Elkarteak ematen du Zilarrezko Euskadi Saria. Danele Sarriugarterekin batera, Parinoush Sanieeren El libro de mi destino saritu dute, gaztelaniazko atalean.
Lehen, Liburuaren Nazioarteko Egunean gehien saldutako liburuak saritu izan ditu elkarteak, baina azkeneko hiru urteetan liburu sarituak liburu saltzaileek eurek hautatzea erabaki dute.
• Danele Sarriugarte 'Aulkian Jesarrita'
argia.eus atarikoek Aulkian Jesarrita sortaren hirugarren saioan Danele Sarriugarteri egin dioten elkarrizketa ikus dezakezue hemen:
