Aurresku eta soinu zahar dantzariek Bakarlarien jaialdia iragarri dute ekainaren 1erako

Barren.eus 2018ko api. 25a, 19:57

Elgoibarko XVII. Aurresku eta Soinu Zahar Txapelketa jokatu zen asteburuan, Gipuzkoako txapelketako ligaxkako azken jardunaldia. Finalak maiatzaren 12an eta 26an jokatuko dira eta Elgoibarko ordezkariak izango dira.

Apirilaren 21ean eta 22an jokatu zen Elgoibarko XVII. Aurresku eta Soinu Zahar Txapelketa Herriko Antzokian, XX. Soinu Zahar Txapelketako eta XXI. Gipuzkoako Aurresku Ligaren barruan. Inazio Bereziartua Musika eta Dantza Eskolako zortzi ordezkarik hartu zuten parte: Malen Galarraga, Sare Sainz, Jone Gil, Amaia Sasiain, Jon Etxeberria, Eneko Etxaniz, Aimar Almortza eta Markel Goenaga. Maila ona eman zuten denek ligaxkako azken saioan.
Finalak maiatzaren 12an eta 26an jokatuko dira Legazpin, eta Elgoibarko ordezkariak Jone Gil, Jon Etxeberria, Eneko Etxaniz, Aimar Almortza eta Markel Goenaga izango dira.
Finalen ostean, txapelketako enseguetan aritzen diren Elgoibarko dantzariek, erakustaldia egingo dute 'Bakarlarien jaialdia' izenburupean, ekainaren 1ean, Kalegoen plazan, 19:00etan.

2018 04 22 aurresku elgoibar 2

 Lotura duten albisteak: