Tolosatik Tokiora bizikletaz egindako bidaia azalduko du Lander Egiak

Barren.eus 2017ko urr. 23a, 16:54

Baguaz! bidaia esperientzien bigarren saioa izango da martitzenean (urriak 24), Elgoibarko Izarrak Udaleko Kultura Sailaren laguntzarekin antolatuta.

Baguaz bidaia esperientzien zikloko lehen saioan munduan barrena egindako urtebeteko bidaiaren berri eman zuten Beñat Kondek eta Irati Altzibarrek. Oraingoan Tolosako Lander Egia etorriko da gurera, Tolosatik Tokiora bizikletaz egin zuen bidaiaren berri ematera. Urrutiko ametsa zena egi bihurtzen hasi zen 2014ko udaberrian Landerrentzat. Tolosa abiapuntu zuela, Tokiorantz abiatu zen bizikleta gainean. Bidean 28.000 kilometro eta beste horrenbeste lagun egin zituen 29 herrialde zeharkatuz. (Lander Egiak blog batean azaldu zituen bidaiako bizipenak)
19:00etan izango da ekimena, Kultur Etxeko hitzaldi gelan.

Baguaz! programa Elgoibarko Izarrak antolatu eta Elgoibarko Udaleko Kultura Sailak finantzatzen du.  

Lotura duten albisteak: