Errosarioko jaietan kalejiran irteteko ohiturari eutsi nahi izan dio Mauxitxa txarangak, eta jairik ofizialki ospatu ez arren, euren ekimenez irten dira kaleak alaitzera. Eta ez dira bakarrik egon, erraldoi, buruhandi eta zezenzikletak ere irten baitira umeen gozamenerako. Aurrez, 17:00etan, txokolate janean parte hartu dute ume zein helduek Kalebarren plazan. Izan ere, San Lazaro zahar etxeko hainbat egoiliarrek ere parte hartu dute txokolate janean, Elgoibarko Udaleko Kultura sailak gonbidatuta. Hori dela-eta, egoitzako arduradunek eskerrak eman dizkiete Kultura sailekoei, eta baita txokolatea prestatu duen Gabi jatetxeari ere.
Maala aldean, berriz, Ludoteka Ibiltarian parte hartu dute umeek.